劇名：娘親射波
時間：晚上十時
地點：屋企
人物：阿女姐，娘親，阿女姐爸
（阿女姐放假，娘親朝早十點至晚上十點帶了阿女姐出街，瘋狂放電一Day後回到家）
（回到家後一會，享受了一天自由的阿女姐爸優哉悠哉地進家門，原來他夜一夜先一支公出街吃飯，之後直入書房）
（阿女姐沖完涼，意猶未盡，狂熱地彈下彈下）
阿女姐：媽～咪！（聲音呈拋～物線）我～要～同～你玩！
（娘親正在餐桌區Loop電話Update世情回回氣）
娘親：下？乜你唔係要瞓啦咩？（我最後半格電要留來沖涼喔）
阿女姐：（彈下彈下）我要同你玩！
娘親：不如瞓啦！
阿女姐：玩玩玩！我要同媽咪玩！
（娘親在發脾氣邊緣，然後「立」到在書房中對著電腦，好像舒服到剛DUP完骨的阿女姐爸）
娘親：女，不如⋯⋯你同爸爸玩啦。（爸爸一向對阿女好嚴格）
（阿女姐面色變藍，阿女姐爸面色亦變藍）
娘親：（面露慈愛笑容，實質心狠手辣）你無見爸爸一日，乜你唔掛住爸爸咩？
（阿女姐定格，閉氣。）
娘親：你唔掛住爸爸，爸爸都掛住你啦。
（書房中突然缺氧）
（阿女姐走去書房）
阿女姐：爸爸我好掛住你呀。
阿女姐爸：嗯～係呀，今日去左邊度玩呀⋯⋯哎吔⋯⋯
（阿女姐用反物理方法擒到阿女姐爸身上，兩父女開始隻揪）
（娘親射波成功，舒舒服服沖了個熱水涼）
（全劇完）
Search